Janz puddelnack un ohne Geld
su kooms Du domols op die Welt,
om Standesamt wood dat noteet,
Du woods als Bürger registreet.
Stolz dät Ding Mamm dich presenteere,
dä Vatter met dir renomeere,
dann woods Du noh d r´Kirch geschleif,
un op dä Name „ Markus " gedäuf.
Derweil beß Du jet älder woode,
dä Johrgang well ich nit verrode,
doch met d r´Zick küß Du dohinger,
he op dä Ähd weed keiner jünger.
Denn dat Rezepp für jung zo blieve,
kann keine Dockter Dir verschrieve,
bliev klor em Kopp,em Hätz bliev jung,
dann hälts Du üßerlich Fazung.
Un deit Dir och ald ens jet wieh,
Du möchs noch jään un kanns nit mieh,
un maach et falle sööß ov suur,
behald em Lääve stets Humor.